Всі публікації щодо:
Соболь Валентина

Ораторська проза Іларіона

Іларіона, першого митрополита київського з руських, а не в греків, вважають автором одної з перших (відомих нам) пам'яток літератури Київської Русі, церковної промови: “Слово о законъ и благодати”, складеної, мабуть, у 30–50 роках XI ст.

В досконалій ораторській формі “Слово” підносить християнську віру (“благодать”), протиставляючи її “закону”, тобто “Старому (ветхому) завіту” — староєврейській релігії (“закон Мойсея”). Використовуючи біблійну розповідь про жінку Авраама Сару та його ж рабиню Агар, автор доводить вищість християнства від Мойсейового “закону”.

Інтерес промови для нас не в цій догматичній частині, а в заключній, де автор уславлює князя Володимира, що переніс християнство в Руську землю, а разом і сина його Георгія — Ярослава Мудрого, який побудував у Києві храм Софії — “премудрості божої”. В цій похвалі Іларіон з гордістю говорить про Русь як про країну, що “відома і чутна по всіх кінцях землі”, побічно виступаючи проти зазіхань Візантії на церковну-державну гегемонію над Руссю.

Подаємо уривки за рукописом ХVІ ст., опублікованим А.В.Горським у вид. 1844 р. (“Памятники духовной литературы времен великого князя Ярослава I”).

СЛОВО

О ЗАКОНЪ, МОИСЕОМ ДАННЪЕМЬ И О БЛАГОДАТИ И ИСТИНЪ, ІИСУС ХРИСТОМЪ БЫВШІИХ, И КАКО ЗАКОН ОТЬИДЪ, БЛАГОДАТЬ ЖЕ И ИСТИНА ВСЮ ЗЕМЛЮ ИСПОЛНИ И ВЪРА СО ВСЯ ЯЗЫКЫ ПРОСТРЕСЯ И ДО НАШЕГО ЯЗЫКА РУССКАГО; И ПОХВАЛА КАГАНУ* НАШЕМУ ВЛАДИМІРУ, ОТ НЕГО ЖЕ КРЕЩЕНИ БЫХОМ, И МОЛИТВА К БОГУ ОТ ВСЕЙ ЗЕМЛИ НАШЕЯ.

Благословен господь бог Ізраилев, бог христіянеск, яко посъти и сътвори избавленіе людям своим, яко не презръ твари своея до конца идольским мраком одержим быти и бъсовськиим служеніим, но опраиди прежде племя Авраамле скрижальми и законом, послъжде сыном своим вся языки спасе Евангеліем и крещешем и вводя в обновлеше пакыбытіа* в жизнь въчную...

Закон бо предтечя бъ и слута благодати и истинъ; истина же и благодать слуга будущему въку, жизни нетлъннъй. Яко закон иривождааше в законеныа к благодатному крешешю: крещеніе же препущает сыны своя на въчную жизнь. Моисій бо и пророцы о Христовъ пришествіи повъдаху. Христос же и апостоли его о воскресеши и о будущем въцъ.

А еже поминати в писаши семь и пророческая проповъданя о Христъ и апостольская ученія о будущем въцъ, то излиха есть и на тщеславіе склоняся. Еже бо в инъх книгах писано и вам въдомо, то здъ положити, то дрьзости образ есть и славохотію.

Не к невъдущшм бо пишем, но преизлиха насыщшемся сладости книжныя; не к врагам божіим иновърныим, но самъм сыном его: не к странныим, но к наслъдником небеснааго парствія. Но о законъ, Моисеомь даннъемь, и о благодати и истинъ Іисус Христомь бывшіих повъсть си есть.

И что успъ закон? что-ли благодать? Прежде закон, потом благодати: прежде стънь*, ти потомь истина. Образ же закону и блаюдати — Агари Сарра, работнаа Агар и свободнаа Сарра: работнаа прежде, ти потом свободнаа. И да разумъет, иже чтет. Яко Авраам убо от уности своея Сарру имъ жену си, свободну, а не рабу: и бог убо прежде вък изволи и умысли сына своего в мір по-слати, и тъм благодати явитися. Сарра же не рождаше, понеже бъ неплоды; не бъ неплоды, но заключена бъ божіим промыслом на старость родити: безвъстная же и утаенаа мудрости божіа утаена бяху ангел и человък, не яко не явима, но утаена и на конец въка хотящеся явитися. Сарра же глагола к Аврааму: “се заключи* мя господь бог не раждати; вниди убо к рабъ моей Агари и родиши оть нея”. Благодать же глагола к богу: “аще нъсть времене снити ми на землю и спасти мір, сниди на гору Синай и закон положи”. Слушая Авраам ръчи Саррины и вниде к рабъ ея Агари. Послуша и бог яже от благодати словес и сниде на Синай. — Роди же Агарь раба от Авраама рабочищ*, и нарече Авраам имя ему: Измаил. И снесе Моисеи от Синайскыя горы закон, а не благодать, стънь, а не истину. — По сих же уже стару сущу Аврааму и Сарръ, явися бог Аврааму, съдящу ему предь дверьми куща своеа, в полудне, у дуба Мамврійскаго; Авраам же тече в срътеніе ему и поклонися ему до землъ и пріат и в кущу свою. Въку же сему к концу приближающугя, посъти господь человъчьскаго рода и сниде с небесе, в утробу дъвицы въходя; пріят же и дъвица с покланяшем в кущу плотяную* не болъвши, глаголющи к ангелу: “се раба господня, буди мнъ по глаголу твоему”. — Тогда убо отключи бог ложесна Саррина, и заченши роди Иссака, свободнаа свободнаго. Присътившу богу человъчьска естества, явишася уже безвъстная и утаеная, и родися благодать и истина, а не закон; сын, а не раб. — Яко отдоися* отроча Исаакъ и укръпъ, и сътвори Авраам гостивству велику, егда отдоися Исаак, сын его. Егда бъ Христос на земли, и еще благодать не укръпла бъаше, но дояшеся еще, за тридесять лът, в няжя Христос таяшеся; егда же отдоися и укръпъ, явися благодать божіа спасеннаа человъком в Іерданстъй ръцъ; сътвори бор гостивству велику и пир велик тельцем упитанным от въка, въозлюбленныим сыном своим Ісус Христомь, съзвовав на едино веселіе небесныа и земленыа, съвъкупив въ едино ангелы и человъки...

Въра бо благодатная и по всей земли распростреся, и до нашего языка русскаго дойде, и законьное озеро пресыше*, евангельский же источник наводнився, и всю землю покрыв, и до нас проліявся. Се бо уже и мы съ всъми христіанами славим Святую Троицу, а іюдея млъчит...

Хвалит же похвальными гласы Римьская страна Петра и Павла, имиже въроваша в Ісуса Христа сына божіа; Асіа, и Ефес, и Патм — Іоанна Богослова; Индъя — Фому, Египет — Марка; вся страны, и грады, и людіе чтут и славят коегождо их учителя, иже научиша православной въръ. Похвалим же и мы, по силъ нашей, малыми похвалами великаа и дивнаа сътворъшаго нашего учителя и наставника, великаго Кагана нашеа земля Владимера, внука старого Игоря, сына же славного Святослава, иже, в своа лъта владычьствующа, мужством же и храбьрьством прослушя* в странах многах, и побъдами и кръпостію поминаются нынъ и словут. Не в худъ бо и не в неведоми земли владычьтсвовашя, но вь Русской, яже въдома и слышима есть всъми концы землы...

Добрь послух* благовъріо твоему, о блаженниче, святаа церкви святыа богородица Маріа*, юже създа на правовърнъй основъ, идеже и мужьственое твое тъло нынъ лежит, ожыдаа трубы архангеловы. Добр же зъло и верен послух сын твой Георгій*, егож отвори господь намъстника по тебъ твоему владычеству, не рушаща твоих устав, но утвержающа, ни умаляюща твоему благовърію положені, но паче прилагающа, не казяща, но учиняюща иже недоконьчаннаа твоа доконча, акы Соломон Давыдова, иже дом божій великый святый его премудрости създа на святость и освящеше граду твоему, юже с всякою красотою украси златом и среблом, и камешем драгыим, и съсуды честныими, яже церкви дивна и славна всъмь окружныимь странамь, якоже ина не обрящется въ всем пслунощи земнъм, от встока до запада, и славный град твой Кыев величеством, яко вънцем, обложил, предал люди твоя и град святъй всеславнъй, скоръй на помощь христіаном, святъй богородици, ей же и церковь на велпкыих вратъх създа во имя первааго господскаго праздника святааго благовъщеніа...

Встани, о честнаа главо, от гроба твоего, встани, отряси сон. Нъси бо умерл, но спиши до общаго всъм встаніа. Встани, нъси умерл, нъсть бо ти лъпо умръти, въровавшу в Христа, живота всему міру. Отряси сон, взведи очи, да видиши, какоя тя чьсти господь тамо сподобив, и на земли не безпамятна оставил сыном твоим. Встани, виждь чадо свое Георгіа, виждь утробу свою, виждь милааго своего, виждь, егоже господь изведе от чресл твоих; виждь красящааго стол земля твоей, и возрадуйся, възвеселися. К сему же виждь и благовърную сноху твою Ерину*, виждь вънуки твоа и правнуки, како живут, како храними суть господем, како благовъріе держат по предашю твоему, како в святыа церкви чястят, како славят Христа, како поклоняются имени его. Виждь и град величьством сіяющ, виждь церкви цвтущи, виждь христіанство растуще, виждь град иконами святыих освещаем блистающеся, и тиміаном объухаем*и хвалами и божественами пъніи святыими оглашаем. И си вся видъв, възрадуйся, и взвеселися, и похвали благого бога, всъм сим строителя.

КИРИЛ ТУРОВСЬКИЙ

Кирил, епископ Туровський, — відомий письменник-проповвдник 60–80-х років XII ст. Вважаеться встановлсним, що в1н написав дев'ять “слов-проповідей” теми різних свят, три поучения ченцям і деяга інщі твори. “Слова” Кирила Туровського, одного а найосвченіших представнигав літератури XII ст., з їх урочистою риторичною формою, алегоричним тлумаченням явищ природи і образів біблії, з драмативацією біблійних подій, з численними афоризмами і притчами, свідчать, що автор добре знав тодішню літературу й мав великий ораторський талант.

Наведені уривки з “Слова в новую недълю по Пасцъ” 1 з “Слова на Воанесеніе господне” подаємо за виданням К.Ф. Калайдович, “Памятники российской словесности XII века”, М., 1821.

СЛОВО В НОВУЮ НЕДЪЛЮ ПО ПАСЦЪ

...Ныня солнце красуяся к высотъ въсходить и радуяся землю огръваеть, възиде бо нам от гроба праведное солнце Христос и вся върующая ему спасаеть. Ныня луна с вышьняго съступивъши степени, болшему свътилу честь подаваеть; уже ветхый закон, по писанію, с суботами преста и пророкы Христову закону с недълею честь подаеть. Ныня зима гръховная покаяніемь престала есть и лед неврія богорозуміемь растаяся; зима убо язычьскаго кумирослуженія апостольским ученіемь и Христовою вірою престала есть, лед же Фомина невърія показаніемь Христов ребр растаяся. Днесь весна красуеться, оживляющи земное естьство; бурши вътри, тихо повъвающе, плоды гобьзують и земля семена питающе зеленую траву ражаеть. Весна убо красная въра есть Христова, яже крещеніемь поражаеть человъчьское покыестьство; бурніи же вътри гръхотвороній помысли, иже покаяніемь претворшеся на добродътель душеполезныя плоды гобьзують: земля же естьства нашего, акы съмя слово божіе пріимши, и страхомь его присно болящи, дух спасешя ражаеть.

Ныня новоражаеміи агньци и унци, быстро путь перуще, скачють, и скоро к матером възвращающеся веселяться, да и пастыри свиряюще веселіемь Христа хвалять. Агнеца, глаголю, кроткыя от язык люди, а унна кумирослужителя невърных стран, иже Христовомь въчеловъченіемь и апостольскымь ученіемь и чюдесы, скоро по закон емъшеся, к святъй церкви възвратившеся, млеко ученія ссуть; да и учители Христова стада о всъх молящеся, Христа бога славять, вся волкы и агньца в едино стадо собравшаго. Ныня древа лъторасли испущають, и цвъти благоуханія процвитають, и се уже огради сладъкую подавають воню, и дълатели с надежею тружающеся плододавеца Христа призывають. Бъхом бо преже акы древа дубравная, не имуще плода, ныняже присадися Христова въра в нашемь невърьи, и уже держащеся корене Іосъева, яко цвъты добродътели пущающе, райскаго пакыбытья о Христъ ожидають; да святители о церкви тружающеся от Христа мьзды ожидають. Ныня ратай слова, словесвыя уньца к духовному ярму приводяще, и крестьное рало в мысленых браздах погружающе, и бразду покаашя почертающе, съмя духовное въсыпающе, надежами будущих благ веселяться. Днесь ветхая конець. пріяша, и се быша вся нова, въскресешя ради. Ныня ръкы апостольскыя наводняються, и язычныя рыбы плод пущають, и рыбари, глубину божія въчеловъченія испытавъше, полну церковьную мрежю ловитвы обрътають: ръками бо, рече пророк, расядеться земля, узрять и разболяться нечестивш людіе. Ныня мнишьскаго образа трудолюбивая бчела, свою мудрость показающи,. вся удивляеть; якоже бо они в пустынях самокърміемь живуще, ангелы в человъкы удивляють, и си на цвъты излетающи, медвеныя сты стваряеть, да человъком сладость и церкви потребная подасть. Ныня вся доброгласныя птица церковьных ликов гнъздящеся веселяться: и птица бо, рече пророк, .обръте гнъздо себе, олтаря твоя, и свою каяжьдо поющи пъснь, славить бога гласы немолчьными...

СЛОВО НА ВЪЗНЕСЕНИЕ ГОСПОДНЕ

...Пойдем же и нынъ, братіе, на гору Елеоньскую умомь, и узрим мысльно вся преславьная, створивъшаяся на ней; на ту бо гору сам Христос бог нашь днесь пришел есть, и всъх святых чинове тамо събрашася: праотечьстш събори патріаршьское множьство, пророчьстіи пълци, апостольстіи ликове, и върных тълпы, с седмьдесятьными Христовы ученикы, о них же рече Павел... Нъ си оставльше, о възнесеніи Христовъ побесъдуим, и яже быша на горъ Елеоньстей. Тамо бо ангельскыя силы и архангельская воиньства: ови облакы крилы вътрьними приносять на възятіе от земля Христа бога нашего, друзш же престол херовимьскый готовять; бог отець жидеть*, его же преже имъ в ядръх, с собою, дух же святый велить всъм ангелом его; възмъте врата небесная, да вънидеть царь славы. Небеса веселяться, своя украшающе свътила, да благословяться от своего творца, с плътію сквозъ тъх врата на облацъх възносима; земля радуеться видящи на себе бога явьствено ходяща, и вся тварь, красуеться, от Елеоньскыя горы просвъщаема, яко на той ангели с святыми апостолы, по повелънію бога отца съвъкупишася, ожидающе сыновьня пришествія. Тъм сій праздьник паче инъх честьнъй бысть нам, и си гора святъйши есть Синайскыя горы. На ону бо невидимо съниде, а на сей явьствьно ся показа, на Синайскую бо съшьд, вся устрашаше, зане гора вся горяше огньмь, молнія же и громи приступающая к горъ умьрщвяху, тъчью с единъм Моисъемь бог бесъдоваше; а на Елеоньскую с тьмами святых въшьд Христос, вся освящаеть, и вся утъшаеть. Свьтить бо ся Елеои яко солнце, святых чины с Христосъмь на собъ имъя, и за оны громы и мълнія пророчьстіи слышатся гласи, яже радостьно ликъствують глаголюще: възпесися силою твоею, боже, поем и въспоем силы твоя. Ангели вся поущають глаголюще: въскликнъте богу вся земля, пойте же имени его; патріарси начинають пъснь: се бог нашь възноситься, смирив обоя в едино, и съвъкупив земныя с небесными; преподобніи възглашають: възносися на небеса, боже, по всей земли слава твоя; праведнипи велегласують. възнесися судяй земли, да и мы в свътъ лица твоего, господи, пойдем; Давыд же акы старъйшина ликов, уяшняя пъснепые гласы, глаголеть: вси языци въсплешъте руками, въскликнъте богу гласомь радости, да възидеть бог в въскликновеши и господь в гласъ трубьнъ; всъх же глас оконьчеваеть Павьл, глаголя: кто възиде на небеса, Христа съвести? Кто ли сълезе в бездьну, Христа съзвести? Нъ тъ есть съшедый, и пакы въшедый, превыше всъх небес. Туже бъ и язычьская церквы, уневътивъшіяся Христу, и того ныня възносима на небеса зрящи скърбить, и стоиющи от сердца с Соломономь въпіеть уязвена есмь аз любовію твоею, женише небесный, не трудихъся в слъ тебе, и дни человъка не възлюбих. И акы проводящи любимаго въпіеть: да цълуеть мя от лъбъзанія уст его; с нею же и апостольский лик, зряще на своего учителя и господа, акы чада церковьная, жалостьно глаголаху: Владыко! не остаии нас сир, их же волею възлюбил еси яко милостив, нъ посъли, яко же объщал еси нам, твой пресвятый дух. К ним же отвъща Ісус, милостію утъшая: сядете в Іерусалимъ, аз бо въсхожю к отцу моему и богу вашему и посълю, яко объщах вам, иного параклита, духа моего и отча. И въздвиг руцъ, благослови я. И се рек възношашеся на небо, и ти поклонишася ему, и облак свътьл подъят и от очію их: възиде бо, рече, на херовим, и летъ на крилу вътрьнюю. Имъяшеть же с собою господь и душа человъческы, яже възнесе на небеса в дар своему отцю, их же в горнимь градъ усели... Предиже течаху ангельскыя силы, страхомь и радостію, отвръсти хотяще врата небесная; нъ вышьши вратьници възбрапяху, въпіюще: си врата господня, да никтоже земных суду проходить, нам бо положи бог яже не мимо идуть; пыняже дивимъся, зряще человъка на херовимьстъмь престолъ съдяща, и преже серафим тъщащася врата си проити. Ангели же пов здаху сына божія силу и сан, человъчьскымь обложена тълесемь, и не пререковати божіи воли, вся мудростію творящему: съниде бо, ръша, на землю, никомуже не чювъшю, и се рабій нося образ въсходить; ониже ръша: не будем покори, аще не услышим слова божш. Тъгда възгласи Христос: отвьрзъзте мнъ врата правьды, и въшьд в ня възвъщю отцю моему, яже на земли съдъях и пострадах. И познавъше глас господень вся силы небесныя падъше поклонишася, глаголюще: аще не видъхом, владыко, тебе сходяща, се покланяемътися въсходящю в славъ. И дух святый на срътеніе ишьд, пъводить равьна собъ сына божія, и почесть творя глаголеть: и да поклоняться ему вси ангелы божіи. Сам же бог отець възгласи к грядущему в плъти. Сын мой еси ты, сяди одесную мене, се престол твой, боже, в въкы въку; твоя суть небеса и твоя есть земля, и конець ея ты основа. И посадив отець сына на престолъ, и своею вънча его десницею, въспъвающем сице серафимом: положил еси на главъ его вънець от каменш драгаго, славою и честью вънчал еси его, славу и вельлъпоту възложил еси нань. Посемь съвьршаеть помазашем божія сущьства, яко же Давыд послушьствуеть: сего ради помаза тя, боже, бог твой олъемь радости паче причастьник твоих. Да поистинъ сій праздник пълн есть радости и веселія: радость на небесъх възносъшюся Христу к отцю, и на земли веселіе всей твари обновльшися от истьлънія. Тъмже и мы, братіе, придъте въздрадуимъся господеви, въшьдъшему на небо небесное на въстокы, съдящему одесную отца поклонимъся, пріимъшему всяку власть на небеси и на земли помолимъся, царьствующому с отцемь принесем въру яко дары, не явимъся пред нимь тъщи в день праздьника, да пріемем божію благодать. Днесь бо своя Христос всъм раздаваеть дары: даеть отцю принесеную имь в жертву плъть, посылаеть апостолом святый дух, въводить душа святых пророк в небесное царство, раздъляеть своим угодником горняго града обители, отверзаеть праведником рай, вънчаеть страдавъшая зань мученикы, посылаеть страстотерпцем чюдес благодать, даеть святителем душеполезная прошешя, отпущаеть гръшником прегръшенія, милуеть вся творящая волю его и хранящая заповъди его, посылаеть благовърным князем нашим съдравіе тълесем и душам спасніе и врагом одоленіе, утвьржаеть церкви, обогащаеть церковьникы, честьны творить служащая ему іерея и діяконы, освящаеть монастыръ, прославляеть игумены, укръпляеть на тьрпъніе мнихы, благословляеть вся крестьяны: малыя с великыми, нищая с богатыми, рабы с свободными, старьцъ с уношами, и женимыя с дъвицями, матери с младенци, сироты с вдовицами. Придем и мы, братіе, в святую церковь; взвеличим Христа бога нашего, давъшаго ны живот; прославим и по сих объщавъшаго небесное царство; възнесем имя его въкупъ, да послеть и нам пресвятый свой дух; того бо есмы раби, и тому славу, чьсть и покланяше въсылаем, с отцем и с пресвятымь, благыимь и животворящимь духомь, ныня и присно и в въки въком, аминь.

*Кагару — мабуть, хозарське слово — князь, цар.

*Другого битія, відродження.

*тінь

*замкнув

*раба

*тілесну

*вигодувався, зріс

*висохло

*уславилося

*свідок

*Святаа церкви святыа богорсщица Маріа — так звана “Десятинна” церква у Киеві, побудована Володимиром 996 р., поновлена Ярославом 1039 р., зруйнована татарами 1240 р.

*ім'я князя Ярослава Мудрого, яке він дістав при хрещенні.

*Ірина, або Інгігерда, жінка Ярослава Мудрого.

*запашний

*зам. “ждеть”



На нашому каналі стартував марафон підготовки до ЗНО з української літератури. В рамках якого ми кожного дня будем викладати відео з новим твором. Підписуйтесь на наш канал та приєднуйтесь до марафону.